-
-
-
Шууд чатлах
-
Шууд чатлах
Хамгийн гайхалтай платформын эргэн тойронд болж буй үйл явдал, сонин хачнаас танд дэлгэе.
Humanoid гэсэн хэллэг роботын ертөнцөд ихээхэн хэрэглэгддэг юм. Энэ үгийг орчуулах аваас "Хүнтэй төстэй" гэсэн үг. Хүн шиг хөл гартай, хүн шиг л харагдана гэсэн үг.
Энэ үгтэй төстэй Android, Gynoid гэсэн хэллэгүүд байх бөгөөд энэ нь бүр нарийвчлан хүйсийг нь зааж байгаа хэрэг юм.
Android гэдэг бол яг эрэгтэй хүн шиг харагдах робот буюу хиймэл хүнийг хэлнэ. Шинжлэх ухааны, зөгнөлт кинонууд дээр гардаг эрэгтэй хүн шиг харагдах робот, хиймэл хүнийг Android гэж ойлгох хэрэгтэй.
Жишээ нь Terminator, AI кинон дээр гардаг эмэгтэй хүнийг зугаацуулагч эр зэрэг нь Android билээ. өнөөдөртөө бол хиймэл дүрүүд л ихээхэн алдартай байгаа юм. Тэрнээс жинхэнэ амьдрал дээрх хүн төст роботууд яг үнэндээ хүнээс маш их ялгаатай байна. Дөнгөн данган гар, хөлтэй, толгойтой л болж байна. Тэрнээс нарийн элементүүд, эрхтнүүд ихэнх нь түүхий зарим нь огт байхгүй. Хурууны тоо, арьсны өнгө, чихний хэлбэр, үс, өндөр жин, хамрын хэмжээ хэлбэр зэрэг нь эрс ялгаатай мөртлөө дээрээс нь нэмээд хүнд байдаггүй эд эрхтэн, хэрэглэл нэмэгдсэн байх нь бий. Жишээ нь эвэр, төмөр гадаргуу, Металл хальс, урт сарвуу, хумс, сүүл зэргийг нэрлэж болох юм.
Зарим нь хүн гэхээсээ илүү амьтантай төстэй байдаг. Хэвлээр явагчид, загас, мэрэгч амьтад, уутат амьтан зэргээс санаа аван роботуудаа бүтээж байна. Тэр тусмаа хэвлээр явагч амьтдыг дуурайсан роботууд ихээхэн түгээмэл байна.
Кино болон телевизийн нэвтрүүлгүүд дээр гардаг харь гаригийн хүмүүс нь дандаа л хүн дүрс байдгийг та мэднэ шүү дээ. Яагаад ийм болсныг мэдмээр байна уу? Хариулт нь их энгийн юм. Төрөл бүрийн зөгнөлт маягийн хувцас бүтээгээд түүн дотроо хүн оруулан жүжиглэхэд их амар юм. Иймээс л та бид харь гаригийн хүн гэхээр л хүнтэй төстэй амьтан бодогддог юм даа.
Гэвч сүүлийн үед компьютер график болон телевизийн тоног төхөөрөмж хүчтэй хөгжсөнөөр хүнтэй төсгүй харь гаригийн хүнийг төвөггүй бүтээдэг болжээ. Оддын дайн, Terminator, AI, Alien гэх мэт олон зөгнөлт кинон дээр яг хүн шиг роботууд гардгийг та үзсэн байж таараа. Зарим нь яг хүн шиг харагддаг бол зарим нь зүгээр л хүнийг дуурайлган хийсэн робот байдаг шүү дээ. Бас I Robot кинон дээр хүнээс ч илүү хөдөлгөөнтэй, сүрхий роботууд гардгийг та санаж байгаа байх.
