-
-
-
Шууд чатлах
-
Шууд чатлах
Хамгийн гайхалтай платформын эргэн тойронд болж буй үйл явдал, сонин хачнаас танд дэлгэе.
Жинхэнэ бүрэн автомат роботуудын дунд болдог тэмцээнүүд дундаас Botball хэмээх тэмцээн нилээд алдартай. Энэ бол Lego маягийн роботуудын тэмцэлддэг хөл бөмбөгийн тэмцээн юм. Энэ тэмцээн 2 шатны ангилалтай. Эхнийх нь дунд сургуулийн сурагчдын бүтээсэн роботууд оролцдог бол 2 дахь шатанд хэн дуртай нь эх орноо төлөөлөн оролцож болно. Бүсийн тэмцээнд орохын өмнө 5-н долоо хоногийн турш багууд өөрсдийн роботыг бүтээнэ. Роботоо угсарна, програмчилна.. Бүсийн тэмцээнд шалгарсан нь мэдээж улсын чанартай тэмцээнд оролцох эрхийг авна. Botball бол Оклахома мужийн KISS их сургуулийн санаачилсан төсөл юм.
Тэгвэл First Robotics Competition (FRC) бол олон улсын багууд оролцдог нилээд мэргэжлийн чанартай тэмцээн юм. Жинхэнэ өндөр ур чадвартай инженерүүд, залуучууд ур ухаанаа уралдуулдаг талбар билээ.
Тэд 6-н долоо хоногийн туршид роботоо бүтээнэ. Ахлагч нь мэргэжлийн хүн байх бол багийн бусад гишүүд дунд болон их сургуулийн оюутнууд байх ёстой. Энэ робот нь First-ээс боловсруулсан тоглоомын даалгаврыг биелүүлэх ёстой ба энэ даалгавар нь жил болгон өөрчлөгддөг.
Харин Азид жил болгон Robocon хэмээх роботын тэмцээн олон улсын их дээд сургуулиудын дунд зохиогдож байгаа бөгөөд жил ирэх бүр нэр хүндтэй болж оролцогчид нь ч ихээхэн туршлагатай, авьяастай болж байгаа юм. Эхлээд тухайн улс дотоодын сургуулиуд дотроо тэмцээн зохиож аваргаа тодруулна. Ингээд улс болгоноос шалгарсан аварга багууд тэмцэлдэн жинхэнэ аваргаа тодруулдаг. Монголын Үндэсний Олон Нийтийн Телевизээр гардаг тул таныг энэ тэмцээний тухай тодорхой мэдлэгтэй гэж найдлаа.
